27 . پووشپەڕ . 2726
سەرەکیبابەتراپۆرتوتارفرۆشگاهاوپۆل0پێوەندیفۆرمی ئەندامێتیپەیوەندی

بانگهێشتی رێکخراوی ژنان لە لایەن گرووپی پاڕلەمانی سویس

بانگهێشتی رێکخراوی ژنان لە لایەن گرووپی پاڕلەمانی سویس
18 . خەرمانان . 2725

ڕۆژی سێشەممە 9ی سێپتامبر لە سەر بانگهێشتی گرووپی پاڕلەمانی سویس - نەتەوەی کورد، بە بۆنەی نزیک بوونەوە لە ساڵوەگەڕی شۆڕشی ژینا، کۆبوونەوەیەک لەسەر بارودۆخی سیاسی کورد لە ڕۆژهەڵات و هەروەها ڕەوشی ئێران پێک هات.
لەم دانیشتنەدا کە بە هەوڵی خاتوو مێدیا پیرۆتی، بەرپرسی نووسینگەی ئەم گرووپە لە پەڕلەمانی سویس ڕێکخرا بوو ، کۆبوونەوەکە بە بەشداری خاتوو نازیلێ ئەفخەمی نوێنەری ڕێکخراوی ژنانی کوردستان، هیوا بەهرامی نوێنەری حیزبی دێموکڕاتی کوردستان - ئێران، فابیان مۆلینا پاڕلەمانتار و ئەندامی پارتی سۆسیال دێموکڕاتی سویس و هەروەها سیاسەتمەداری سویسی، سێناتۆر کارلۆ سامۆروگا پێکهات.
خاتوو نازیلە باسی لە رۆلی ژنان و لە دەرهاوێشتەکانی شۆڕشی ژینا و هەروەها بارودۆخی ڕۆژهەڵات لە دوای سەرکوتکردنی ئەم شۆڕشە و مامەڵەی حکومەتی ئێران لەگەڵ خەڵکی ڕۆژهەڵاتی کوردستان دا کرد.
ناوبراو هەروەها لەدرێژەی باسەکەی دا: سیاسەتی کۆلۆنیال و داگیرکاریی حکومەتی ئێران سەبارەت بە ڕۆژهەڵاتی کوردستان لە پێوەندی لە گەڵ لە سێدارە دانی خەڵکی بێتاون، ئابلۆقەی تووندی ئابووری، پەرە پێدانی هەژاری و پەراوێزخستنی بەئەنقەست، سڕینەوەی ناسنامە و ژێنۆسایدی فیزیکی و کولتووری، مێلیتاریزەکردنی ڕۆژهەڵات بە گشتی ، تێکدانی ژینگە و سرووشتی کوردستان، بە تاڵان بردنی سەرچاوە ئاوییەکان و کانزاکان، سیاسەتی هەڵاواردن و هەیمەنەی شۆڤێنیزمی ئێرانی و هەڵسوکەوت و کردەوەی نادێموکراتیکی ئۆپۆزیسیۆنی فارس لە دەرەوەی وڵاتی کرد.
ئەم ڕاپۆرتەی ڕێکخراوی ژنانی کوردستان بوو بە جێگای سەرنجی بەشداران و بە گرینگیان پێناسە کرد.

Artikel von im selben kategorie

کۆڕی ڕێزلێنان بۆ سەرکردەی کاریزماتیک د. عەبدولڕەحمان قاسملوو لە سویسکۆڕی ڕێزلێنان بۆ سەرکردەی کاریزماتیک د. عەبدولڕەحمان قاسملوو لە سویس
بانگهێشتی رێکخراوی ژنان لە لایەن گرووپی پاڕلەمانی سویسبانگهێشتی رێکخراوی ژنان لە لایەن گرووپی پاڕلەمانی سویس
ڕۆژی یەکسانیی سویس ڕۆماندی ٢٠٢٥ڕۆژی یەکسانیی سویس ڕۆماندی ٢٠٢٥
ڕاپۆرتی ڕێکخراوی ژنانی کوردستان بە بۆنەی ڕاگەیاندنی فەرمی ئینستیتوی کوردیی لۆزانڕاپۆرتی ڕێکخراوی ژنانی کوردستان بە بۆنەی ڕاگەیاندنی فەرمی ئینستیتوی کوردیی لۆزان